 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
ноч настае
дроў нестае
труна на стале
У мой драны хватэль зноў сядае Вагнорюс.
І зьядае маю аўсяную кашу.
Плакала Саша ўголас –
Бо сушка смактала Сашу.
Я ў яго папрашу крыху драхмаў і рупій.
Хоць даўно не смакую салёнае рыбы.
Безь цябе мы, Вагнорюс, у глыбокае дупе.
А таму данкэ шён, ачіу ды спасіба!
хочаш
зарэжуся ноччу
ікламі воўчымі
Добра быць безгаловым і лезьці пад танкі.
Добра песьні сьпяваць у шале дэбільным.
Добра быць расстраляным пасьля пагулянкі.
Назаўжды маё сэрца аддадзена Вільні!
Толькі сноўдае там беспрытульны Вагнорюс.
І бяз кашы аўсянае жудасна плача.
Я ж зрываю прапіты, пракураны голас,
Бо даўно праглынуў тэнісны мячык.
ночка мінаецца
труна адчыняецца
адрубаны
пальцы…
Восень, 1993
|
|
|
|
Падабаецца
Не падабаецца
|
|
|
2009–2019. Беларусь, Менск.
|
|
|
